កំពង់ឆ្នាំង៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រកាសឲ្យស្ថាប័នរដ្ឋ រោងចក្រសហគ្រាសទាំងអស់ អនុញ្ញាតឲ្យជនមានពិការភាពត្រូវចេញពីធ្វើការមុនម៉ោងដូចស្ត្រីមានផ្ទៃពោះដែរ។
ថ្លែងក្នុងពិធីជួបជាមួយនឹងកម្មករជិត ២ម៉ឺននាក់នៅខេត្តកំពង់ឆ្នាំង ព្រឹកថ្ងៃទី៨ ខែមិថុនា ឆ្នាំ២០២៣នេះ សម្ដេចថា៖ «អញ្ចឹងទាំងស្ថាប័នរដ្ឋ ទាំងស្ថាប័នផ្នែកឯកជន សូមផ្ដល់ឱកាសសម្រាប់ស្ត្រីមានផ្ទៃពោះបានចេញមុនម៉ោងនិងសម្រាប់កម្មករជនមានពិការភាពបានចេញមុនម៉ោងដូចគ្នា»។
សម្ដេចតេជោបញ្ជាក់ថា ការធ្វើបែបនេះគឺដើម្បីបង្ករលក្ខណៈងាយស្រួលដល់ជនមានពិការភាពទាំងអស់ និងធ្វើយ៉ាងណាធានាថាសុខភាពរបស់កម្មករត្រូវបានយកចិត្តទុកដាក់និងផលប្រយោជន៍ទាំងឡាយត្រូវបានផ្ដល់ជូនដោយសមធម៌៕
ព័ត៌មានជាច្រើនទៀតសម្រាប់អ្នក
